«Հարցեր տալով՝ պետք է պատասխաններ ստանալ, իսկ հիմա երկրների առաջնորդները չեն ցանկանում պատասխաններ տալ: Բայց դա չի նշանակում, որ մենք չպետք է ճիշտ ու տեղին հարցեր բարձրացնենք»,- 100 Lives և «Ավրորա» մրցանակաբաշխության շրջանակներում Մատենադարանում մեկնարկած Aurora dialogues քննարկումների ժամանակ ասաց Առնոլդ Զալցմանի անվան ամբիոնի մասնագիտական փորձառության և միջազգային ու հանրային հարաբերությունների պրոֆեսոր Էդվարդ Լաքը։
«Ցեղասպանությունների կրկնման միտումը մեծ վտանգ է ներկայացնում,- շարունակեց նա,- և դա գալիս է այլ պետությունների լռությունից ու տարիներ առաջ տարբեր ազգերի դեմ տեղի ունեցած ցեղասպանությունները չկանխարգելելուց»։
Նրա համոզմամբ՝ ոչ մի պետություն չի ուշացել քայլեր ձեռնարկելուց. «Երբեք ուշ չէ ցեղասպանությունների հարցում հանդես գալ քննադատական մոտեցմամբ։ Այն պետությունները, որոնք արդեն իսկ ձեռնարկել են որոշակի քայլեր, կարողացել են մարդկային կյանքեր փրկել, իսկ դեռևս ոչինչ չձեռնարկածները կարող են հիմա քայլ անել՝ կանխարգելելով հետագա ցեղասպանությունները: Ի վերջո, ցեղասպանության կանխարգելման լավագույն միջոցը նախորդ ցեղասպանության դատապարտումն է»,- ընդգծեց Էդվարդ Լաքը։
Սիրանուշ ՀԱՅՐԱՊԵՏՅԱՆ
Կարդացեք նաև
