«Ավելի քիչ զգայուն ենք բռնության նկատմամբ»,- ապրիլի 23-ին «Ընդդեմ ցեղասպանության հանցագործության» երկրորդ գլոբալ ֆորումի ընթացքում նկատեց դերասան Ջորջ Քլունին:
Նա նշեց, որ 24 ժամյա նորությունների ցիկլը մի ապազգայուն լսարան է ձեւավորել, որովհետեւ պարզապես թվերի խնդիր է դառնում, օրինակ՝ երբ լսում ես վեց միլիոն փախստականների մասին, դա պարզապես թիվ է: Դերասանը կարեւորեց առանձին անձանց պատմությունները, օրինակ՝ սիրիացի փախստական երեխայի լուսանկարը, որը հարցը առանցքային դարձրեց:
«Հետո հասկանում ես, որ ՄԱԿ-ը բավական աշխատանք չի կատարել: Դա ահավոր է, թե ինչպես ենք մենք արձագանքում ճգնաժամին: Մարդասիրության մեր տեսլականը կորցնում ենք այդպիսի պատմությունից: Հեռուստատեսությամբ լսում ես, որ հինգ հարյուր մարդ է մահացել, ալիքը փոխում ես եւ անցնում ուրիշ նորություններին: Մենք պետք է խոսենք մի մարդու մասին, որը փորձել է մի քանի մարդու փրկել»,- ասաց Ջորջ Քլունին:
Նա առաջարկեց այլ աշխատանքներ տանել. «Իմ հայրը նորությունների մարդ է եղել, ես հարգանք եմ տածում նորությունների հանդեպ: Սակայն, նորություններում ժամանակ չի տրամադրվում սիրիացի փախստականների համար, երբեմն խոսում են Իսլամական պետության մասին, բայց միացնում ենք CNN-ը տեսնում ենք դատարկ ամբիոն եւ սպասում ենք, որ Թրամփը խոսի: Կարող ենք այն ժամանակը, երբ Թրամփը մոտենում է ամբիոնին, տրամադրել մի ընտանիքի պատմության: Ես հուսով եմ, որ մենք որպես կինո եւ հեռուստաարտադրության հանրություն կկենտրոնանաք ավելի գլոբալ հարցերի վրա, քան ընտրություններն են»:
Կարդացեք նաև
Ամի ՉԻՉԱԿՅԱՆ
