«Ես շատ ուրախ եմ այսօր այստեղ լինել եւ տեսնել այս միջոցառումը»,- ապրիլի 23-ին «Ընդդեմ ցեղասպանության հանցագործության» երկրորդ գլոբալ ֆորումի ընթացքում իր խոսքն այսպես սկսեց դերասան Ջորջ Քլունին:
Նա նշեց, որ մեծացել է մի ժամանակահատվածում, երբ Միացյալ Նահանգներում լուրջ զարգացումներ էին տեղի ունենում մարդու իրավունքների հետ կապված: Ըստ նրա, իր տարիքի մարդիկ ներգրավված լինելու պատասխանատվություն են կրում: Նա ասաց, որ երբ կարդացել է «Նյու Յորք Թայմս» թերթի հոդվածը Դարֆուրում կատարված դեպքերի մասին, տպավորություն է ստացել, որ ցեղասպանությունից տուժածների համար ոչ մի օգնություն չկա:
«Երկար եւ դժվարին պայքար է եղել, որպեսզի այն կոչել, այնպես ինչպես կա: Մենք ապրում ենք բարդ աշխարհում, կարեւոր գործոնը այն է, որ չես կարող հերքել այն, ինչ կատարվել: Դա ցեղասպանություն է, դրա մեկ այլ տարբերակ գոյություն չունի: Գերմանիայից հետո լսում ենք “Never again” («Այլեւս երբեք») արտահայտությունը, դրանից հետո՝ Կամբոջա, Ռուանդա, Դարֆուր … ճշմարտությունը այն է, որ չպետք է կատարվի, բայց կատարվում է»,- ասաց Քլունին:
Նա նշեց, որ 1915 թվականին կատարվածը ոչ միայն Հայաստանի պատմության մի մասն է, այլ նաեւ աշխարհի պատմության մի մասն է. «Սա միայն մի ազգի ցավը չէ: Բայց մենք պետք է առաջ նայենք»:
Կարդացեք նաև
Իր խոսքի վերջում Ջորջ Քլունին հավելեց. «Ես շատ հպարտ եմ, որ այստեղ եմ գտնվում, այս մրցանակաբաշխությանն եմ մասնակցում»:
Ամի ՉԻՉԱԿՅԱՆ
