«Պեդրո Ագրամունտը բացատրեց, որ իր նշած բանաձեւերը ընդունված են, եւ որ ԵԽԽՎ-ն չունի հակառակ որոշում, եւ տարբեր ժամանակներում 1-2 անգամ ընդունել է որոշումներ, որտեղ այդ ձեւակերպումները եղել են»,- ապրիլի 23-ին լրագրողների հետ հանդիպման ընթացքում ասաց Հերմինե Նաղդալյանը:
Նա նշեց, որ հայկական պատվիրակությունը ԵԽԽՎ նախագահին ներկայացրել է հայ ժողովրդի դժգոհությունը. «Ես շուրջ 13-14 տարի աշխատել եմ ԵԽԽՎ պատվիրակությունում, ես չեմ հանդիպել նման դեպքի, որ գրավոր հանդիմանանքներ ստանա ԵԽԽՎ նախագահը այնպես, որ մենք ուղարկել ենք մեր գրավոր նամակները ե՛ւ իրեն, ե՛ւ նախագահական կոմիտեի անդամներին, ե՛ւ բյուրոյի անդամներին, ե՛ւ դրանից հետո ԵԽԽՎ ամբողջ պատվիրակներին: Այսինքն՝ մենք շուրջ 650 մարդու ներկայացրել ենք մեր դժգոհությունները: Եվ նաեւ ես չեմ հիշում որեւէ իրավիճակ, երբ ԵԽԽՎ նախագահի քայլերը լիագումար նիստի ժամանակ նման կարգով քննադատվեն, ինչպես, որ սա է եղել: Կարծում եմ՝ դա շատ լուրջ արձագանք էր հայկական կողմի կողմից, եւ այդ արձագանքը ինքն իսկապես զգացել է»:
Հերմինե Նաղդալյանը նշեց, որ ԵԱՀԿ Մինսկի խումբը վերջին հինգ տարիների ընթացքում միայն հինգ հայանպաստ որոշումներ է կայացրել, ոչ թե համանախագահների այլ երկրների նախագահների մակարդակով. «Ձեր կարծիքով դա դիվանագիտական աշխատանքի ձախողո՞ւմ է: Ճիշտ է, արտաքին քաղաքականությունը այն աշխատանքն է, որը շատ երեւացող չի, որը իր բնույթով հեռու է թափանցիկությունից կամ ներկայանալիությունից, բայց արդյունքը երեւում է»:
Ամի ՉԻՉԱԿՅԱՆ
Կարդացեք նաև
