Ռուսաստանի Դաշնության արտաքին գործերի նախարարությունը մեկնաբանություն է տարածել Լեռնային Ղարաբաղի հակամարտության վերաբերյալ, որտեղ նշվում է, որ 1994 և 1995թ. կրակի դադարեցման մասին ձեռք բերված պայմանավորվածություններն անժամկետ են և հանդիսանում են հակամարտության կարգավորման հիմքը։ Այս մասին տեղեկացնում է Ռուսաստանի արտաքին գերատեսչության պաշտոնական կայքը։
ՌԴ արտաքին գերատեսչության տարածած հաղորդագրության մեջ ասվում է, որ սկզբունքային այդ դիրքորոշումը ամբողջովին համընկնում է ԵԱՀԿ Մինսկի խմբի «Եռյակի» ընդհանուր մոտեցումներին։
Հայտարարության մեջ նշվում է նաև, որ այս դիրքորոշումը տեղ էր գտել Մոսկվայում ԵԱՀԿ մշտական ներկայացուցչության հեղինակած նոտայում, որը 2016թ. ապրիլի 12-ին ուղղվել էր Ադրբեջանին։
