«Լեյկո» և «ԼեյկոԱլեքս» ընկերությունների կողմից մեծ քանակությամբ դեղեր և բժշկական նշանակության ապրանքներ են նվիրաբերել ՀՀ առողջապահության նախարարությանը: Նախաձեռնությունը Գառնիկ և Գագիկ Ալեքսանյան եղբայրներինն է:
Այսօր ՀՀ ԱՆ «Մարդասիրական օգնության հանրապետական կենտրոն» ՊՈԱԿ այցի ժամանակ ՀՀ ԱՆ աշխատակազմի դեղորայքային քաղաքականության և բժշկական տեխնոլոգիաների վարչության պետ Վարդուհի Գրիգորյանը ծանոթացել է տրամադրված ապրանքներին, շնորհակալություն հայտնել ընկերություններին նվիրատվության համար:
Եղբայրների խոսքով` սա ընդամենը փոքր նվեր է ՀՀ առողջապահության նախարարությանը:
Իրենք պատրաստակամություն են հայտնել անհրաժեշտության դեպքում շարունակական աջակցություն ցուցաբերել մեր երկրի բնակչությանը:
Նշենք, որ «Լեյկո» ընկերությունը հաջողված գործունեություն է ծավալում Ռուսաստանի Տվեր քաղաքում, իսկ «Լեյկո-Ալեքս»-ը ` Հայաստանում:
Մամլո հաղորդագրություն
