ՀԱԿ-ը հայտարարություն է տարածել, ըստ որի, շարունակելու է իր պայքարը՝ Ընտրական օրենսգրքի արմատական բարեփոխումների համար:
Այսօր «Մեդիա կենտրոնում» հարցին՝ հնարավո՞ր է փողոց տեղափոխվի այդ պայքարը եւ լինեն հանրահավաքներ՝ ՀԱԿ խմբակցության քարտուղար Արամ Մանուկյանը պատասխանեց. «Ամեն ինչ անելու ենք, հանդիպելու ենք ԵԱՀԿ/ԺՀՄԻԳ-ի ներկայացուցիչների հետ: Բայց այս պահին մենք միտինգ չենք անի: Սահմանում լարված իրավիճակի հետ կապված՝ անգամ դրա մասին այս պահին մենք չենք մտածում»:
Թե ինչ միջոցառումներ են իրականացնելու՝ Արամ Մանուկյանն ասաց, որ առաջիկայում կտեսնենք:
Ըստ նրա, չնայած «4+4+4» ձեւաչափով քննարկումները չավարտվեցին կոնսենսուսով, բայց իրենք դեռեւս հույս ունեն, որ իշխանությունները ողջախոհ կգտնվեն. «Այս քաղաքական իրավիճակում պարտավոր են քննարկել: Իշխանությունները դեռեւս շանս ունեն, ժամանակ ունեն, որ իրենց իսկ վիճակն ամրապնդելու համար գնան հասարակությանն ընդառաջ՝ վստահությունը բարձրացնելու: Այլ կերպ հասարակության մեջ նորմալ իրավիճակ հնարավոր չէ ստեղծել: Չեն գնա այդ քայլին՝ մեղքը իրենց վիզը»:
Կարդացեք նաև
Հռիփսիմե ՋԵԲԵՋՅԱՆ
Լուսանկարը՝ «Մեդիա» կենտրոնի
