Հրազդանում տեղի ունեցած քաղաքապետի ընտրությունների, «Քաղաքացիական պայմանագիր» կուսակցության վարած քաղաքականության մասին խոսում է քաղտեխնոլոգ ԿԱՐԵՆ ՔՈՉԱՐՅԱՆԸ:
-Պարոն Քոչարյան, դեռ ամիսներ առաջ, երբ «Նոր Հայաստան» հանրային փրկության ճակատը Նիկոլ Փաշինյանին եւ «Քաղաքացիական պայմանագիր» կուսակցությանը հրավիրել էր միանալ իրենց եւ միասին պայքարել իշխանությունների դեմ, ՔՊ-ի դիրքորոշումը մերժողական էր եղել՝ մեկնաբանությամբ, թե չեն միանա մի կառույցի, որի քաղաքականությունը հայտնի չէ: Սակայն, ինչպես տեսանք, Հրազդանում «Քաղաքացիական պայմանագիրը» ներկայացնող Սասուն Միքայելյանը պարտվեց: Ինչո՞վ են տարբերվում այս քաղաքական ուժերը։
-Ի սկզբանե ասեմ՝ գնահատականներ չեմ ուզում տալ: «Նոր Հայաստանը», այնուամենայնիվ, արդեն երկար ժամանակ՝ մոտ տարիուկես, պայքարի մեջ է: Սակայն այդպես էլ չի կարողանում համակիրների որոշակի զանգված հավաքել:
Թեեւ Նիկոլ Փաշինյանը քաղաքական դաշտում հայտնի գործիչ է, սակայն «Քաղաքացիական պայմանագիրը», կուսակցության մյուս անդամները, հիմնականում նոր դեմքեր են: Ես կարծում եմ, որ այս կուսակցությանը ժամանակ է պետք ինչ-որ ձեւով հասարակությանը ներկայանալու համար:
Կարդացեք նաև
Ինչ վերաբերում է Հրազդանի ընտրություններին (իմ անձնական կարծիքն եմ հայտնում), ապա «Քաղաքացիական պայմանագիրը» չպետք է մտներ պայքարի մեջ, թեեւ բավականաչափ ձայներ հավաքեց:
Բացի դրանից՝ Սասուն Միքայելյանն առանց «Քաղաքացիական պայմանագրի» էլ դեռ մի քանի տարի առաջ ընտրությունների ժամանակ բավական մեծ թվով ձայներ էր հավաքել:
-«Քաղաքացիական պայմանագիրը» առաջ էր քաշել նաեւ 2017թ. խորհրդարանական ընտրությունների ժամանակ «6000 դիտորդի» գաղափարը: Հրազդանի ընտրություններով կուսակցությունը կարողացա՞վ ապացուցել վերոնշյալ գաղափարի նպատակահարմարությունը:
-Կարծում եմ, որ, այնուամենայնիվ, «Քաղաքացիական պայմանագրի» համար Հրազդանը շատ լավ փորձադաշտ էր եկող տարվա խորհրդարանական ընտրություններին մասնակցելու համար:
Սեւակ ՎԱՐԴՈՒՄՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
