Վերաքննիչ քրեական դատարանում ապրիլի 19-ին Գեւորգ Սաֆարյանի կալանքի ժամկետը երկարաձգելու եւ կալանքը գրավով փոխարինելու հարցով վերաքննիչ բողոքը քննվեց: Նշենք, որ այս դատական նիստին մասնակցում էր նաեւ Գեւորգ Սաֆարյանը:
Գեւորգ Սաֆարյանի պաշտպան Տիգրան Հայրապետյանը լրագրողների հետ զրույցում ասաց, որ դատարանը որոշում է կայացրել վերաքննիչ բողոքը մերժել:
Դատական նիստի ընթացքում Գեւորգ Սաֆարյանը իր իրավական հիմնավորումներն է բերել. «Գեւորգը շատ իրավական հիմնավորումներ վկայակոչելուց հետո հայտարարեց, որ սա քաղաքական հայացքների համար հետապնդում է իր նկատմամբ, որ վերջին տարիներին ոստիկանության մարմինները եւ իշխանական մարմինները իր նկատմամբ հետապնդում են իրականացնում: Եվ ինքն ասաց, որ ինքը քաղաքական բանտարկյալ է, որովհետեւ ըստ էության, իր նկատմամբ մահափորձ է եղել չի բացահայտվել, բազմաթիվ բռնություններ են եղել, չեն բացահայտվել, եւ նույնը վերջին ժամանակներում»:
Կարդացեք նաև
Նա ընդգծեց, որ դատարանի վերաբերմունքը մենք անգամ եւս հաստատեց Գեւորգի այն միտքը, որ իր նկատմամբ հալածանքները, քաղաքական հետապնդումները շարունակվում են:
Տիգրան Հայրապետյանը տեղեկացրեց, որ գործի նախաքննությունը հավանաբար կավարտվի վաղը, մի քանի օրից գործը արդեն երկրորդ անգամ կուղարկվի դատախազին. «Այս պահին արդեն ակնհայտ է թե՛ դատախազների մոտեցումը, թե՛ քննչական մարմինների մոտեցումը, որ շատ խիստ արարք է կատարել Գեւորգը, ըստ իրենց: Եվ այդ արարքի համար իրենք ամեն կերպ պայքարելու են, որպեսզի խիստ պատիժ լինի»:
Ամի ՉԻՉԱԿՅԱՆ
