Հանրապետական պատգամավոր Սուքիաս Ավետիսյանը հայտարարել է, թե ընտրակաշառք տվողն էլ է ժողովուրդ, վերցնողն էլ, այնպես որ՝ որեւէ մեկին պետք չէ մեղադրել, պետք է ընդամենը դա չանել։
«ՉԻ» – Փաստորեն՝ ամեն անգամ ընտրությունների ժամանակ ժողովուրդն ինքն իրեն ընտրակաշառք է տալիս, իսկ գործող իշխանությունները վերընտրվում են։
Բայց քանի որ իշխանություններն էլ են ժողովուրդ՝ ստացվում է, որ ժողովուրդը համ կաշառք է բաժանում, համ կաշառք է ստանում, համ էլ ընտրվում է։
Կարդացեք նաև
Իսկ առանձին տեղամասերում ժողովուրդն ինքն իրեն ծեծում է, ինքն իրեն դատի է տալիս, ինքն իրեն տուգանում է (չէ՞ որ դատավորներն էլ են ժողովուրդ) եւ այդպես շարունակ։
Մի խոսքով՝ ոնց էլ անենք, ընտրություններում հաղթելու է ժողովուրդը։ Ընդ որում՝ միշտ նո՛ւյն ժողովուրդը։ Այն ժողովուրդը, որն ապրում է Մելիք-Ադամյան փողոցում։ Անկախ նրանից՝ ժողովուրդը համաձայն է, թե ոչ։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
