Աբու-Դաբիում շախմատի ուսանողների աշխարհի առաջնությունն ավարտվեց հայաստանցի գրոսմայստեր Հովհաննես Գաբուզյանի հաղթանակով:
Հայ շախմատիստը ինը հնարավորից վաստակեց 8,0 միավոր: Հովհաննեսը վերջին տուրում սեւերով պարտության մատնեց սերբ միջազգային վարպետ Մարկո Նենեզիչին՝ անհասանելի դառնալով բոլոր մրցակիցների համար: Սամվել Տեր-Սահակյանը 6,0 միավորով զբաղեցրեց չորրորդ հորիզոնականը, Տիգրան Ս. Պետրոսյանը 5,5 միավորով՝ 7-րդը:
Կանանց մրցապայքարում Հայաստանի չեմպիոն Մարիա Գեւորգյանը 5,0 միավորով եզրափակեց ուժեղագույնների տասնյակը:
Աշոտ ՀԱԿՈԲՅԱՆ
