ՀՀ պետեկամուտների կոմիտեի՝ Դիլիջանում կառուցվող գերճոխ ուսումնական կենտրոնի շինարարության համար դեռ երկար ժամանակ գումարներ են հատկացվելու։ Այս է վկայում ՀՀ կառավարության պաշտոնական կայքում տեղադրված տեղեկատվությունը։
«Մեկ անձից» կատարվող գնումների վերաբերյալ ցանկի համաձայն՝ այս տարվա մարտի 10-ին ՀՀ ֆինանսների նախարարությունը պայմանագիր է կնքել «Զաարտ» արվեստանոցի հետ, ըստ որի վերջինս պետք է նախագծային աշխատանքներ կատարի ուսումնական կենտրոնում լրացուցիչ շինարարություն անելու համար։ Պայմանագրի արժեքը 8.7 միլիոն դրամ է։ Կարելի է պատկերացնել, թե այդ նախագծերով իրականացվելիք աշխատանքների ծավալը որքան կկազմի։
Նշենք, որ սահմաններին տեղի ունեցած հայտնի իրադարձություններից հետո, երբ բարձրաձայնվեց բանակի տեխնիկական զինվածության ոչ բավարար մակարդակի մասին, հանրության շրջանում արդարացված ցասում են առաջացնում պետական անիմաստ ծախսերը։ Վերը նշված օբյեկտը, որի վրա արդեն ծախսվել է մի քանի տասնյակ միլիոն դոլար, անիմաստ ծախսերի ցցուն օրինակ է։
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
