«Շուշիի ազատագրումից առաջ Աստծո հետ կապված որեւէ հայտնություն ունեցե՞լ եք»,-ի պատասխան այս հարցի՝ գեներալ Արկադի Տեր-Թադեւոսյանն ասել է.
– Ես քահանայի թոռ եմ, ինձ համար նվիրական են անգամ ավերակ եկեղեցիները։ Եվ երազիս մեջ հաճախ եկեղեցիներ եմ տեսնում։
Բացի այդ, մի ալբոմ ունեմ, ուր եկեղեցիների նկարներ են։ Հաճախ եմ թերթում։ Մինչ ազատագրումը` Շուշիում չեմ եղել։ Նկարով էի ճանաչում Կանաչ ժամն ու Ղազանչեցոց եկեղեցին։ Չէի էլ պատկերացնում, որ Ղազանչեցոց եկեղեցին այդպիսի մեծ զորություն կունենար։ Ազատագրումից առաջ երազիս մեջ այդ զորությամբ հայտնվեցի Ղազանչեցոց եկեղեցում։ Երբ ազատագրեցինք, տեսա ու ճանաչեցի, ահա այստեղ էր, որ Աստված երազում ինձ բերեց։
Պատահական բան չէ։ Որքան էլ աշխարհիկ քաղաքականությունները պնդեն, թե պատերազմը հավատի հետ կապ չուներ, բայց մենք մեր պատմությունից եւ Սուրբ Գրքից գիտենք, որ Աստծով են բոլոր հաղթանակները։ Որ այս դեպքում եկեղեցիների եւ հատկապես Շուշիի եկեղեցու երեւումով է ի հայտ եղել՝ Աստծո սիրո եւ զորության ներկայությունն ու գոտեւորումը խորհրդանշելով։
Կարդացեք նաև
«Շուշվա հաղթանակը հայ ազատագրական պայքարի ծաղիկն է»,– հայտարարել է սպարապետ Վազգեն Սարգսյանը։
Ըստ Մաքսիմ Ոսկանյանի «Արցախյան վկայություններ» գրքի:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
15.04.2016
