Հակառուսական տրամադրությունները մեզանում շարունակում են ահագնանալ, բնականաբար՝ ոչ առանց արեւմտամետ շրջանակների «շահագրգիռ» մասնակցության։
Ռուսական զենքով հայկական դիրքերը եւ խաղաղ բնակավայրերը խոցելու դեմ բողոքի հերթական «ակցիան», ԵԱՏՄ-ից դուրս գալու «Ազատ դեմոկրատների» առաջնորդ Խաչատուր Քոքոբելյանի օրենսդրական նախաձեռնությունն է։
Ի՞նչ է մտածում այս մասին «Ինտեգրացիա եւ զարգացում» հասարակական կազմակերպության նախագահ, վերլուծաբան ԱՐԱՄ ՍԱՖԱՐՅԱՆԸ։
-ԵԱՏՄ-ին Հայաստանի անդամակցությունը, անկախ քաղաքական եւ աշխարհաքաղաքական ինչ-ինչ գործոններով պայմանավորված ժամանակավոր դժվարություններից, հնարավորություն է տալիս զարգացնելու մեր երկրի տնտեսությունը եւ հասարակությունն առաջ տանելու, որին այլընտրանք մոտ ապագայում՝ տեսանելի հեռանկարում, չեմ տեսնում։
Կարդացեք նաև
-Ասվում է, որ եթե Ռուսաստանը դադարեցնի զենքի մատակարարումը Ադրբեջանին, այդ տեղը թափուր չի մնա՝ Ադրբեջանն այդ զենքը կգնի այլ երկրներից։
-Կարծում եմ, այն զենքերը, որ Ադրբեջանը գնել է, օրինակ, Իսրայելից եւ ներկրել Թուրքիայից, ավելի մեծ անհանգստություն են պատճառում մեր զինված ուժերին։ Ես կգերադասեի, որ Ադրբեջանը զինված լիներ այնպիսի զենքերով, որոնք ծանոթ են հայ զինվորականությանը եւ ավելի քիչ գլխացավանք են պատճառում առաջնագծում կռվող մեր մարտիկներին։
Անօդաչու թռչող սարքերի օրինակը ցույց տվեց, որ զենքերը, որոնք ունի Ադրբեջանը եւ չունի Հայաստանը, կամ կարող է ունենալ Ադրբեջանը եւ չի կարող ունենալ Հայաստանը, լուրջ գլխացավանք եւ անախորժություններ են պատճառում մեր բանակին։
Լիլիթ ՊՈՂՈՍՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
Հայոց Բանակին գլխացավանք և անախորժություն պատճառում են Ձեր նման «վերլուծաբանները»: