Aravot.am-ի՝ «Միլիոնատերերի փոխանցումները ԼՂՀ-ին. Վարչապետի եղբայրն էլ է գումար փոխանցել» հրապարակման մեջ անդրադարձել էինք Արցախին ուղղվող հանգանակությանը:
Նյութում նշել էինք, որ հանգանակության ցանկում ամենաուշագրավը, թերեւս, մի թոշակառուի փոխանցումն է, որը սոցցանցերում շատ քննարկվեց, օգտատերերը համեմատեցին խոշոր ընկերությունների համեստ փոխանցումների հետ: Մասնավորապես՝ Մկրտչյան Լաուրա Եղիշի (թոշակառու)` 10 հազար դրամ եւ «ՍԵՔՅՈՒՐԻԹԻ ԴՐԻՄ »-ը, որը հայտնի է մայրաքաղաքում որպես կարմիր գծերը «քաշող» ու միլիոնների եկամուտ ունեցող ընկերություն, ընդամենը 41000 հազար դրամ է փոխանցել:
«ՍԵՔՅՈՒՐԻԹԻ ԴՐԻՄ »-ն այս առնչությամբ մեզ վստահեցրեց, որ 41 հազար դրամ փոխանցումը կատարվել է ընկերության աշխատակիցների կողմից, այլ ոչ թե ընկերության կողմից:
Նկատենք, որ հանգանակության ցանկում նշված չէ «ՍԵՔՅՈՒՐԻԹԻ ԴՐԻՄ » ընկերության աշխատակիցների կողմից, այլ գրված է՝ «ՍԵՔՅՈՒՐԻԹԻ ԴՐԻՄ » ՍՊԸ:
Նելլի ԲԱԲԱՅԱՆ
