Այսօր «Ընտրական օրենսգրքի» թեմայով «Ժողովրդավարության ազգային պլատֆորմը» հանրային քննարկում էր կազմակերպել: Կառավարության աշխատակազմի ղեկավար-նախարար Դավիթ Հարությունյանը ներկայացրեց, թե որ առաջարկներն են ընդունել, որոնք՝ ոչ:
ՀԱԿ փոխնախագահ Լեւոն Զուրաբյանի խոսքերով՝ «Կարեւոր է, որ հասարակությունը ընդունի այս Ընտրական օրենսգիրքը:
Իշխանությունը պնդում է, որ այս էլեկտրոնային գրանցման համակարգը լուծում է բոլոր խնդիրները: Իսկ մենք սա ընկալում ենք՝ որպես քողարկված միջոց՝ մերժելու մեր 5 առաջարկները: Նախ, մենք ունենք անվստահություն որեւէ էլեկտրոնային համակարգի նկատմամբ: Եթե իշխանություններն ունեն ընտրակեղծարարության ապացուցված եւ երկար պատմություն, պետք է խուսափել էլեկտրոնային համակարգերից, որովհետեւ դրանք միայն բազմապատկում են ընտրակեղծարարության մեխանիզմները, ընդգրկելով ընտրակեղծարարության մեջ ավելի նեղ շրջանակ ու ավելի փոքրացնելով ստուգման եւ խախտումների բացառման հնարավորությունը:
Մենք պահանջում ենք, որ էլեկտրոնային գրանցման հետ նաեւ ավանդական, թղթային տարբերակն էլ լինի, գնանք զուգորդման»:
Կարդացեք նաև
Նա առաջարկեց, որ դռնեդուռ ընկնեն, ցուցակները մաքրեն, իրենց 5 առաջարկներն ընդունեն, դա ավելի քիչ ֆինանսական ծախս կպահանջի, քան իշխանության առաջարկած էլեկտրոնային գրանցման տարբերակը: Դ
ավիթ Հարությունյանն էլ ասաց՝ մենք պատրաստ ենք ընդունել ձեր ստուգած ցուցակը:
Ըստ Լեւոն Զուրաբյանի, դա կորցնելու է լեգիտիմությունը, հետո, երբ իշխանության ներկայացուցիչը չկա, մարդիկ ինֆորմացիա կարող են չտրամադրել, ինչը հնարավոր է տապալի իրենց առաքելությունը:
Լեւոն Զուրաբյանի խոսքերով՝ «Մեզ ասում են՝ քաղհասարակություն ու ընդդիմություն, գնացեք ընտրացուցակները սարքեք բերեք, մենք կընդունենք: Սա առաջին հայացքից կառուցողական մոտեցում է, բայց իրականում սա սաբոտաժ է՝ իշխանության կողմից: Լեգիտիմությունը գործընթացի ընկնում է, որովհետեւ մի բան է, որ իրար ստուգել են բոլորը, վստահության մակարդակը մեծ է, երկրորդ՝ հանգիստ կարող են իրենք տապալել գործընթացը՝ պատասխանատվությունը թողնելով մեզ վրա»:
Դավիթ Հարությունյանը չհամաձայնեց. «Պետությունը չպետք է դառնա ոստիկանական պետություն եւ հետեւի՝ ով որտեղ է ապրում: Մարդը եկել է , հայտարարել է, որ սա է իր հաշվառման հասցեն՝ դա իր հաշվառման հասցեն է: Պետությունը պետք է միայն հետեւի, որ ընտրության գա այն մարդը, որը ցուցակում կա»:
Հռիփսիմե ՋԵԲԵՋՅԱՆ
