Թեպետ միայն երկու տարի է անցել, ինչ Հայաստանն ու ՌԴ-ն կնքեցին գազի եւ այլ հումքային ապրանքների վերաբերյալ բազմիցս քննադատված պայմանագրերը, սակայն Երեւանն արդեն բացահայտ դժգոհություն է հայտնում մատակարարվող գազի սակագների վերաբերյալ եւ ցանկանում է վերանայել այդ փաստաթղթերը։
Այլ խոսքով, Հայաստանը ցանկանում է վճարել գազի դիմաց ռուբլով, որպեսզի, ինչպես երկու օր առաջ ասուլիսի ժամանակ նշեց էկոնոմիկայի նախարար Արծվիկ Մինասյանը, հնարավոր լինի մի կողմից՝ չեզոքացնել արտարժույթի ռիսկը, մյուս կողմից՝ էականորեն կապակցել հումքային ապրանքների գների աճը բացառապես ռուսական ներքին շուկայում առկա գների հետ։ «Սա նշանակում է վերանայել նաեւ համաձայնագիրը»,- հավելել է նա։
Արդյոք տնտեսապես ծանր վիճակում գտնվող եւ արտարժույթի, այն է՝ դոլարի կարիք ունեցող Ռուսաստանը պատրա՞ստ է ընդունել այդ առաջարկը։ Տարեկան Հայաստանը ՌԴ-ից մոտ 2 միլիարդ խորանարդ մետր գազ է ներմուծում եւ դրա դիմաց ամեն տարի 330 միլիոն դոլար է վճարում։ Ֆինանսների և էներգետիկայի ինստիտուտ-հիմնադրամի ավագ փորձագետ Սերգեյ Ագիբալովը կարծում է, որ Մոսկվան չնայած ԵԱՏՄ շրջանակներից դոլարի դուրս մղման վերաբերյալ բարձրագոչ հայտարարություններ է անում, սակայն կարճաժամկետ հեռանկարում նման քայլի չի գնա։
Արշալույս ՄՂԴԵՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
