Ապրիլի 12-ին՝ տիեզերագնացության օրը սահմանամերձ Նոյեմբերյան քաղաքի ավագ դպրոցում կայացավ «Ի՞նչ, որտե՞ղ, ե՞րբ» ինտելեկտուալ փառատոնը; Այն հոբելյանական էր՝ 15-րդը, նվիրված էր տիեզերագնացության 55-ամյակին: Մասնակցում էր Նոյեմբերյանի տարածաշրջանի 16 համայնքների դպրոցների 19 թիմ:
Ավանդական դարձած փառատոնը կազմակերպել էր Նոյեմբերյանի ինտելեկտուալ կրթության ակումբը (ՆԻԿԱ) եւ Նոյեմբերյան քաղաքի ավագ դպրոցը: Ինչպես հայտնեց ՆԻԿԱ-ի նախագահ Արմեն Ամիրաղյանը, մրցույթի հարցաշարում հարց կար՝ նվիրված վերջերս Արցախում մեր զինվորների մղած հերոսական պայքարին:
Ոսկան ՍԱՐԳՍՅԱՆ
