Ըստ Խոսրով Հարությունյանի` դա առիթ է` Եվրասիական միջկառավարական խորհրդի նիստը Երեւանում չանցկացնելու մասին բացատրություններ պահանջելու
Ինչպես ավելի վաղ հայտնել էինք, ՀՀ վարչապետ Հովիկ Աբրահամյանն աշխատանքային այցով ապրիլի 12-13-ը կմեկնի ՌԴ` Եվրասիական միջկառավարական խորհրդի նիստին (ԵՏՄ երկրների վարչապետների հանդիպումն ի սկզբանե նախանշված էր Երեւանում) մասնակցելու նպատակով:
Որքանո՞վ է ճիշտ վարչապետի այս քայլը, այսօր «Անալիտիկ» մամուլի ակումբում մեկնաբանեց ՀՀ նախկին վարչապետ, ՀՀԿ խմբակցության պատգամավոր Խոսրով Հարությունյանը: «Այո, նա պետք է մասնակցի եւ հարց բարձրացնի` մեկնաբանություն պահանջելով իր գործընկերներից, թե ինչով են պայմանավորում երեւանյան այցը հետաձգելը: Ենթադրում եմ, որ հիմա բոլորին մեջքով շուռ գալու եւ բոլորից խռովելու ժամանակը չէ: Մեր շահերից է բխում համագործակցելը, ոչ թե առճակատումը: Պետք է այդ հանդիպումներն արդյունավետ օգտագործել` ազգային շահն առաջ տանելու համար: Իսկ դա նշանակում է գործուն մասնակցություն»,-ասաց Հարությունյանը
Լուիզա ՍՈՒՔԻԱՍՅԱՆ
