Մարաղայի կոտորածից անցել է արդեն 24 տարի: Առաջին օմբուդսմեն, «Ընդդեմ իրավական կամայականությունների» հասարակական կազմակերպության գործադիր տնօրեն Լարիսա Ալավերդյանը լրագրողների հետ զրույցում նկատեց, որ պետք չէր սպասել, որ Մարաղա-2 լինի, այս անգամ Նոր Մարաղա գյուղում:
Լարիսա Ալավերդյանը նշեց, որ «Ընդդեմ իրավական կամայականությունների» Հասարակական կազմակերպությունը 1995-1996 թթ-ին ճշգրիտ հավաքագրել, ամբողջականացնելով մեկ փաթեթում այն, ինչ տեղի է ունեցել Մարաղայում: Այդ ամենը իրենք հանձնել են Լեռնային Ղարաբաղի Հանրապետության իշխանություններին, որոնք գտել են երեք միջազգային կազմակերպություններին, որոնք ունեն համապատասխան կարգավիճակ ՄԱԿ-ում եւ նրանք ներկայացրել են այդ գործերը, մինչեւ անգամ լսում է եղել: Հաջորդ փուլում պետք է հարցումներ անցկացնեն, սակայն այդ փուլում էլ ավարտվել:
«Այո՛, ես կարծում եմ կարելի է հիմա շարունակել գործը, մինչեւ անգամ պարտադիր է: Հիշեցնեմ՝ այդ սպանդը իրականացնող ջոկատի հանդես է գալիս որպես ժամանակակից Ադրբեջանի առաջին ազգային հերոս է, եւ նա ապրում է այսօր արտասահմանում: Այն ինչ նա, փաստորեն, խաղաղության եւ մարդասիրության դեմ հանցագործության մասնակից է եւ կազմակերպիչ: Եվ այդ առումով ես կարծում եմ՝ դա ոչ միայն պատվի, այլ ուղղակի տարածաշրջանային անվտանգության կամ Եվրոպական անվտանգության խնդիր է դառնում, որովհետեւ Եվրոպան այսօր պակաս վտանգված տարածքներից չէ, քանի որ այն ամենը , ինչ տեղի է ունենում Մերձավոր Արեւելքում անմիջապես արտացոլվում է Եվրոպայում»,- ասաց Լարիսա Ալավերդյանը:
Ամի ՉԻՉԱԿՅԱՆ
