Թուրքիայի Սամսուն քաղաքում մեկնարկել է բռնցքամարտի Ռիո դե Ժանեյրոյի օլիմպիական խաղերի վարկանիշային մրցաշարը: Երեկ կայացել է կշռման արարողությունը եւ վիճակահանությունը:
Կանանց մրցաշարի մեր միակ մասնակիցը՝ 51 կգ քաշային Անուշ Գրիգորյանը մեկնարկային գոտեմարտում պայքարից դուրս է թողել հույն Անտոնիա Պապացուակիին եւ մտել 1/8 եզրափակիչ: Հաղթանակով է մեկնարկել նաեւ 64 կգ քաշային Հովհաննես Բաչկովը: Նա առավելության է հասել բելգիացի Անտուան Վենաչերեի նկատմամբ: Իսկ ահա Ռաֆայել Սիմոնյանը (91 կգ) նոկաուտով պարտվել է Բուլղարիայի ներկայացուցիչ Քրիստիան Դիմիտրովին:
Աշոտ ՀԱԿՈԲՅԱՆ
Լուսանկարը՝ Անուշ Գրիգորյանի ՖԲ էջի
Կարդացեք նաև
