ՀՀ արտակարգ իրավիճակների նախարարությունը հայտնել է, որ ապրիլի 10-ին, ժամը 07. 23-ին ահազանգ է ստացվել, որ ապրիլի 9-ին,ժամը 14. 00-ի սահմաններում Տավուշի մարզի Ազատամուտ գյուղի թիվ 16 շենքի բնակարաններից մեկի բնակիչ Հ. Ա.-ն դուրս է եկել տնից եւ այլեւս չի վերադարձել: Դիտավան գյուղի հանդամասում հայտնաբերվել 1954թ. ծնված Հ. Ա.-ի դին:
Դեպքի կապակցությամբ զանգահարեցինք սահմանամերձ Ազատամուտի գյուղապետ Ժորա Մարտիրոսյանին: Նա ասաց, որ ինքը դեպքի մասին տեղեկություններ չի կարող հայտնել, հորդորելով լինել տեղում եւ իմանալ: Նա հայտնեց, որ ինքը սահմանապահ զորամասի հետ համագործակցելով՝ աշխատանքներ է կատարում գյուղի պաշտպանունակության ամրապնդման համար:
Գյուղապետն ասաց, որ համագյուղացու դին գտնվում է Իջեւանի բժշկական կենտրոնում, կպարզվի նրա մահվան պատճառը:
Դիտավան գյուղից տեղեկացանք, որ Դիտավանի հարեւան Ազատամուտի բնակիչ Հայկազ Ալիխանյանը գնացել է անտառ սինդրիկ հավաքելու, նստել է քարին, կաթված ստանալով՝ մահացել:
Կարդացեք նաև
Ոսկան ՍԱՐԳՍՅԱՆ
