Այսօր Գյումրու «Սուրբ Նշան» եկեղեցում հայրենիքի համար նահատակված գյումրեցի երեք զինվորների՝ 20-ամյա Գևորգ Վարդանյանի, Տիգրան Աբգարյանի ու 25-ամյա ավագ լեյտենանտ Հրաչ Գալստյանի հոգեհանգստի արարողությունից հետո, մի տղամարդ մոտեցավ վարչապետ Հովիկ Աբրահամյանին ու հորդորեց իրենց տանել առաջնագիծ: «Մենք ցանկանում ենք տղաներին հետ բերեք, մենք գնանք առաջին գիծ, թող 19-20 տարեկան տղաները մեր թիկունքին կանգնեն, թող մենք զոհվենք»: Վարչապետը, զոհվել բառը լսելով, ընդհատեց տղամարդուն՝ ասելով. «Մենք այնպես պետք է անենք, որ ոչ մեկը չզոհվի այլեւս»:
Ջաջուռցի տղամարդը շարունակեց, «Չէ, թող այս մի ամսվա ընթացքում գոնե այդպես լինի, դուք ձեր կարծիքը փոխանցեք, որ մենք կանգնենք առաջնագծում, տղաները 1 մետր մեզանից հեռու»: Վարչապետն ասաց, որ արդեն մեծ թվով կամավորներ կան, որոնք զինվորներին օգնում են, սակայն տեսնելով, որ տղամարդը պնդում է իր ասածը, խնդրում, թե «վարչապետ ջան, բարեխոսի մեզ տանեն առաջնագիծ» խոստացավ նրա խնդրանքը փոխանցել պաշտպանության նախարարին:
Կարդացեք նաև
Նունե ԱՐԵՎՇԱՏՅԱՆ
