Aravot.am-ի հետ զրույցում ՀՀ Ոստիկանության հասարակայնության հետ կապերի եւ լրատվության վարչության պետը հաստատեց տեղեկությունը, որի վերջին օրերին ղարաբաղաադրբեջանական շփման գծում իրավիճակի սրացման հետ կապված` Արցախ մեկնելու ճանապարհին անհրաժեշտաբար արագությունը գերազանցած վարորդների տուգանքները հնարավոր է` վերանայվեն:
«ՀՀ-ից ԼՂՀ ուղղությամբ մեկնող պետական, հասարակական գործառույթներ իրականացնող անձանց տրանսպորտային միջոցները պարտադիր ուղեկցվում են ՃՈ վերակարգերի կողմից: Միաժամանակ, ՃՈ իրավասու ստորաբաժանումներին հրահանգավորվել է մանրամասն ստուգել Վարչական իրավախախտումների վերաբերյալ ՀՀ օրենսգրքի հիմքերով վարորդներին վարչական պատասխանատվությունից ազատելու հնարավորությունը` բոլոր այն դեպքերում, երբ տեխնիկական միջոցներով արձանագրված խախտումներով կայացված վարչական ակտերի դեմ բողոք կներկայացվի` անհրաժեշտաբար արագությունը գերազանցելու հիմքով»,-ասաց Ա. Մալխասյանը:
Եւս մեկ անգամ նկատենք, որ ոստիկանություն համապատասխան բողոք կարող են ներկայացնել անհրաժեշտաբար արագությունը գերազանցած վարորդները:
Լուիզա ՍՈՒՔԻԱՍՅԱՆ
Վերանայել պետք չէ
Ստեղծել հատուկ հաշեվեհամար բոլոր տուգանքները այնտեղ փոխանցվելու
պետք է նախապատրաստվել ավելի մեծ պատերազմի որը որոշիչ է լինելու
Մեր թշնամիները տեղեկացան մեր ունեցած չունեցածին
Բավ է անձնականի մասին մտածել
Ունեվորները չեն վայելի ունեցվածքը պարտության դեպքում