Ղրղըզստանի նախագահ Ալմազբեյ Աթամբաևը այդ երկրի Էներգետիկայի կարգավորման պետական գործակալության ղեկավար Թալայբեկ Նուրբաշևի հետ հանդիպման ընթացքում արգելել է բարձրացնել էլեկտրաէներգիայի սակագինը՝ հաշվի առնելով տնտեսական ճգնաժամը։ Այս մասին տեղեկացնում է ռուսական «ՌԻԱ» լրատվական գործակալությունը։
Նախագահի մամուլի ծառայության հրապարակած հաղորդագրության մեջ մեկնաբանվում է Աթամբաևի որոշումը. «Համաշխարհային տնտեսական ճգնաժամի պայմաններում անհրաժեշտ է ծայրահեղ կշռադատված մոտենալ բնակչության համար էլեկտրաէներգիայի սակագնի փոփոխման հարցին և որոշում ընդունել միայն խոր և մանրակրկիտ ուսումնասիրությունից հետո»։
Ղրղըզստանի նախագահ Աթամբաևը խորհուրդ է տվել օգտագործել երկրի պահուստները, որպեսզի հնարավոր լինի առավելագույնս խուսափել ֆինանսական կորուստներից։
