Լեռնային Ղարաբաղում պատերազմական գործողությունների օրերին ռուսական որոշ լրատվամիջոցներ իրենց ընթերցողների շրջանում հարցումներ են անցկացրել մեկ հարցի շուրջ. ո՞վ է պատասխանատու ռազմական գործողությունների վերսկսման համար։
Հարցումների արդյունքները բավական ուշագրավ են, տեղ-տեղ՝ անսպասելի։ Համենայնդեպս, կարող ենք հաստատ ասել, որ ոչ ոք Հայաստանին չի մեղադրում։
Մասնավորապես, «Полит.ру» տեղեկատվական կայքի կողմից կատարված հարցման արդյունքում պարզվել է, որ հարցվածների գերակշիռ մասը՝ 32,7%-ը, իրավիճակի սրացման մեղավոր է համարել Ադրբեջանին։ Իսկ ահա 2-րդ տեղում, ինչը հետաքրքիր է, Ռուսաստանն է՝ 23%։ 3-րդ տեղում Թուրքիան է՝ 14,2%։ Այնուհետեւ գալիս են ԱՄՆ-ը՝ 9,7%, Հայաստանը՝ 4,4% եւ նույնիսկ «Իսլամական պետություն» կոչվածը՝ 1,8%։
Էլ ավելի ուշագրավ են «Эхо Москвы» ռադիոկայանի անցկացրած
Կարդացեք նաև
հարցման արդյունքները, այնտեղ ռազմական գործողությունների
վերսկսման հիմնական մեղավոր է համարվում… Ռուսաստանը՝ 49%, հետո Թուրքիան՝ 26%, Ադրբեջանը՝ 21%։ Այստեղ էլ ենք վերջին տեղում՝ 4%։
«EA Daily» տեղեկատվական գործակալության անցկացրած հարցումների արդյունքներն էլ բոլորովին այլ են. այստեղ հարցվածների գերակշիռ մասը մեղավոր է համարել Թուրքիային՝ 44%։ Այնուհետեւ հաջորդում են Ադրբեջանը՝ 24%, ԱՄՆ-ը՝ 18%, Ռուսաստանը՝ 5% եւ վերջին տեղում, ինչպես կռահեցիք, Հայաստանն է՝ իր «բրոնյա» արած 4%-ով։
Ի դեպ, հաշվի առնելով, որ բոլոր հարցումներում Հայաստանը նույն 4 տոկոսն է ստացել՝ որպես պատերազմի մեղավոր, կարելի է չկասկածել, որ ադրբեջանական «ֆեյքերի» խումբ է եղել, որը համերաշխ կերպով քվեարկել է բոլոր կայքերում, որպեսզի քվեարկության արդյունքների պատկերը իրենց համար գոնե մի քիչ նվազ խայտառակ լինի։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
