«Պառլամենտական սերունդ» հասարակական կազմակերպությունը դիմել է ՀՀ Ազգային ժողովին իրենց ուղերձը միջազգային հանրությանը փոխանցելու խնդրանքով
«Պառլամենտական սերունդ» հասարակական կազմակերպությունը զորակցություն է հայտնում Արցախի գործընկերներին եւ ժողովրդին:
Արդեն երեք օր շարունակ Ադրբեջանը սանձազերծել է ռազմական արկածախնդիր արշավ՝ չխորշելով խաղաղ բնակավայրերի ռմբակոծություններից, դպրոցների թիրախավորված կրակահերթերից եւ զոհերի մարմինների հրապարակային անարգանքից:
Մենք կոչ ենք անում Եվրոպական միության, Մերձավոր Արեւելքի եւ Ամերիկայի մեր պառլամենտական գործընկերներին միանալ զորակցության մեր կոչին եւ դատապարտել նավթային բռնապետության այս հերթական ոտնձգությունը:
Կարդացեք նաև
Կոչ ենք անում սթափ գնահատական տալ իրավիճակին եւ անհապաղ որոշիչ քայլեր ձեռնարկել ԵԱՀԿ Մինսկի խմբի ձեւաչափում բանակցային գործընթացը վերսկսելու եւ արյունալի բախումները բացառելու ուղղությամբ:
Չափազանց վիրավորական է միջազգային գործընկերների գնահատականներում տեսնել համահավասարեցման փորձեր, երբ հակամարտության մյուս կողմում կոռումպացված բռնապետություն է: Այսպիսի դիվանագիտությունը չի նպաստում հակամարտության խաղաղ եւ տեւական լուծմանը:
Կոչ ենք անում մեր գործընկեր պառլամենտականներին փոխանցել այս կոչը իրենց երկրների դիվանագիտական շրջանակներին»:
Հիշեցնենք, որ «Պառլամենտական սերունդ» հասարակական կազմակերպության անդամները նախկին պատգամավորներ են:
ԱԺ ՀԱՍԱՐԱԿԱՅՆՈՒԹՅԱՆ ԵՎ ՏԵՂԵԿԱՏՎՈՒԹՅԱՆ ՄԻՋՈՑՆԵՐԻ ՀԵՏ ԿԱՊԵՐԻ ՎԱՐՉՈՒԹՅՈՒՆ
