Այսօր ԱԱԾ տնօրենի տեղակալ Արզուման Հարությունյանն ԱԺ-ում ներկայացրեց ՀՀ-ի եւ Գերմանիայի միջեւ ստորագրված գաղտնի տեղեկատվության փոխադարձ պաշտպանության մասին համաձայնագիրը, որով ռազմական կամ այլ համագործակցության ընթացքում փոխանակվող գաղտնի տեղեկատվության պաշտպանությունը, տեղեկատվության փոխանակման կարգն ու պայմաններն են սահմանվում:
ՀՀԿ պատգամավոր Վահրամ Մկրտչյանը ԱԱԾ պաշտոնյայից հետաքրքրվեց. «Հասարակության մեջ տարածված կարծիք կա, որ մեր բջջային օպերատորները բոլոր խոսակցությունները հատուկ սերվերի վրա ձայնագրում են եւ ինչ-որ իքս ժամանակ պահպանելուց հետո հավանաբար դա ոչնչացվում է: Այդ տվյալները հասանելի՞ են ձեր ծառայությանը եւ այս համաձայնագրի շրջանակներում արդյոք այդ տեղեկատվությունն է՞լ է փոխանակվելու»:
Արզուման Հարությունյանը պատասխանեց. «Դա քննարկվող հարցի շրջանակներում չէ, թույլ տվեք այդ հարցին ներկա պահին չպատասխանել»:
Հռիփսիմե ՋԵԲԵՋՅԱՆ
Կարդացեք նաև
