Ինչ կփոխեին Հայաստանում, եթե նման հնարավորություն ունենային: Այս թեմայով «Օրրան» բարեգործական կազմակերպության լրագրողական խմբակի երեխաները փոքրիկ հոդվածներ են պատրաստել:
Օրինակ, երեխաներից մեկը ցանկացել է. «Պատերազմ չլինի, ու ոչ մի մայր չզգա կորստի ցավը»:
Մեկ այլ «Օրրան»-ցու հուզում է շրջակա միջավայրը. «Շրջակա միջավայրի բարեկարգումը կարելի է սկսել կանաչապատումից ու ծառապատումից, այդպես եւ գեղեցիկ կլինի, եւ օդը կմաքրվի, նաեւ պետք է քչացնել օդը աղտոտող գործարաններն ու մեքենաները: Ցավոք, Հայաստանում բնակչությունից շատ են ավտոմեքենաները»:
Իսկ Մարինե Գալստյանի հոդվածը ավելի շատ բաց նամակ է երկրի ղեկավարությանը: «Եթե երկրի վիճակը կախված լիներ ինձանից, աշխատատեղեր կբացեի, որպեսզի գործազուրկ մարդիկ կարողանային աշխատել, կստեղծեի այնպիսի համակարգ, որ բոլոր այն մարդիկ, որ տարիներ են ծախսել սովորելու վրա, կարողանային իրենց մասնագիտությամբ աշխատել: Կվերացնեի ավելորդ հարկերը, կստիպեի օրինականացնել ապօրինի բիզնեսները »,-գրել է աղջնակը:
Մանրամասները՝ ապրիլի 7-ի տպագիր «Առավոտում»:
Գոհար ՀԱԿՈԲՅԱՆ
Լուսանկարը «Օրրանի» ֆեյսբուքյան էջից
