ԵԱՏՄ վարչապետների նիստը կարող է տեղափոխվել Մոսկվա: Դա պայմանավորված է ղարաբաղա-ադրբեջանական շփման գոտում ներկայիս իրավիճակով: Այս մասին խորհրդարանում լրագրողների հետ զրույցում ասաց ՀՀԿ խմբակցության ղեկավար Վահրամ Բաղդասարյանը:
Հիշեցնենք, այն պետք է կայանար ամսի 7-ին, Երեւանում: Մասնակցելու էր նաեւ ՌԴ վարչապետ Դմիտրի Մեդվեդեւը: Քննարկվելու էր նաեւ Հայաստանի համար գազի գնի նվազեցման հարցը:
Լրագրողներից մեկի հարցին` ինչո՞ւ են տեղափոխում նիստը, չէ՞ որ դրանով ապացուցում են, որ ԵՏՄ անդամները ՀՀ-ի կողքին չեն, Վահրամ Բաղդասարյանը պատասխանեց. «Ես խնդրում եմ, դա կարող է վերջնական որոշում չլինել, այսօր կառավարության հետ հարցուպատասխանի ժամանակ հանրապետության վարչապետը կպարզաբանի»:
Հարցին ի պատասխան՝ վիրավորական չի՞, որ չեն գալիս, ՀՀԿ խմբակցության ղեկավարը հիշեցրեց, որ դա վերջնական որոշում չէ:
Կարդացեք նաև
Մեկ այլ հարցի`արդյոք Երևանը վտանգավոր է ու դա պատճառաբանվում է սահմանի ռազմական գործողություններով, Վահրամ Բաղդասարյանը պատասխանեց. «Դե, բնականաբար, ոչ: Դուք արդեն այլ տեսանկյունից եք նայում, կարող է ավելի նպատակահարմար է, չբողոքելու համար ընդհանրապես չարվի, կամ տեղափոխվի»:
Նելլի ԳՐԻԳՈՐՅԱՆ
