«Մեր պնդումը դա է: Եթե բանակցություններ են լինում, դրանք պետք է տանի Ղարաբաղը, ոչ թե կողմ լինի»,- լրագրողների հետ զրույցում պատասխանելով Aravot.am-ի հարցին`այս իրադարձությունների արդյունքը հնարավո՞ր է լինի այն, որ Լեռնային Ղարաբաղը վերադառնա բանակցային սեղանի շուրջ, ասաց ՀՀԿ խմբակցության ղեկավար Վահրամ Բաղդասարյանը:
Հիշեցնենք, երեկ, ԵԱՀԿ Մինսկի խումբը հայտարարեց իր հովանու ներքո բանակցային նոր փուլի մասին: Իսկ ԼՂՀ-ն բանակցություններից դուրս մղվեց Ռոբերտ Քոչարյանի նախագահության շրջանում:
Վահրամ Բաղդասարյանը հիշեցրեց նաեւ, որ հանրապետության նախագահն էլ օրերս իր խոսքում ասաց` թշնամին սիրում է, թե ոչ, ուզում է, թե`ոչ, պիտի նստի եւ խոսի ղարաբաղցիների հետ:
Լրագրողները հետաքրքրվեցին նաեւ ՀՀ-ի եւ ԼՂՀ-ի միջեւ ռազմական փոխհամագործակցության պայմանագրի ճակատագրից: ՀՀԿ խմբակցության ղեկավարն ասաց, որ փաստաթղթի մշակման փուլն արդեն ավարտին է. «Կնայենք իրավիճակների զարգացմանը»: Ճշտող հարցին`հնարավո՞ր է այն ընդհանրապես քննարկման չդրվի: Վահրամ Բաղդասարյանն ասաց, որ նման քննարկում չեն ունեցել:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
