Ղեկավարվելով Հայաստանի Հանրապետության Սահմանադրության 75-րդ և «Ազգային ժողովի կանոնակարգ» Հայաստանի Հանրապետության օրենքի 47-րդ և 50-րդ հոդվածներով` օրենսդրական նախաձեռնության իրավունքով Ազգային ժողովի քննարկման ենք ներկայացրել «Արցախի Հանրապետությունը ճանաչելու մասին» Հայաստանի Հանրապետության օրենքի նախագիծը, որին ստորագրությամբ միացել է նաև ԱԺ պատգամավոր Հրանտ Բագրատյանը:
Միաժամանակ հայտնում ենք, որ Ազգային ժողովում նշված օրենքի նախագծի քննարկման ժամանակ, որպես հիմնական զեկուցող, հանդես է գալու ԱԺ պատգամավոր Զարուհի Փոստանջյանը:
«Արցախի Հանրապետությունը ճանաչելու մասին» Հայաստանի Հանրապետության օրենքի նախագիծ «Ժառանգություն» խմբակցությունը Ազգային ժողովում շրջանառության մեջ դրել է մի քանի անգամ` սկսած 2007 թվականից:
Կարդացեք նաև
ՀՀ ԱԺ «Ժառանգություն» խմբակցության լրատվական ծառայություն
