Երեկ Ադրբեջանը «ՏՕՍ-1»-ով կրակեց, գիշերն արդեն՝ «Սմերչով», նաեւ հայկական սահմանամերձ բնակավայրերի վրա ոտնձգություններ արեց: Իրավիճակը դեռ որքա՞ն պիտի զարգանա, որ Հայաստանը ճանաչի ԼՂՀ-ն եւ առավել գործնական քայլերի անցնի`Aravot.am-ի հարցին, ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը պատասխանեց, որ գործնական քայլեր միշտ էլ արվել են:
Ինչ վերաբերվում է ՀՀ-ԼՂՀ ռազմական փոխօգնության համաձայնագրի` խորհրդարանում քննարկմանը, այն դեռ նախապատրաստական փուլում է. «Որ պահին երկրի ղեկավարությունը որոշեց, որ այդ փաստաթուղթը պետք է ներկայացվի ԱԺ-ի քննարկմանը, այդ պահին էլ այն կներկայացվի»:
Թե ինչպե՞ս է որոշվելու, ո՞րն է լայնամասշտաբ ռազմական գործողությունների սահմանը, մեր զրուցակիցը գնահատման խնդիր է համարում եւ կարծում է, որ անհրաժեշտ պահին որոշում կկայացվի:
Լայնամասշտաբ չէ՞ «Սմերչի» կիրառումը, հայկական սահմաններում կրակոցները, նա պատասխանեց. «Իրականում մտահոգիչ է փաստը, որ նման զինատեսակ է կիրառվել, բայց դեռ եկեք չշտապենք եւ նման գնահատական տանք`պահը հասունացել է: Երբ պահը հասունացած լինի, հանրապետության նախագահի կողմից որոշում կկայացվի»:
Կարդացեք նաև
Մանրամասները`տեսանյութում
Նելլի ԳՐԻԳՈՐՅԱՆ
