Ինչքան էլ Ադրբեջանը հայտարարի հրադադարի մասին, այն իրականություն կդառնա, երբ Ադրբեջանին ասեն՝ «ստոպ»։ Իսկ «ստոպ» կասի նա, ով Ադրբեջանին հրահանգեց՝ «սկսի՛ր»։ Իսկ ո՞վ է նա, այս հարցը, թերևս, ամենաշատն է հետաքրքրում հանրությանը։
Այն, որ Ադրբեջանն ինքնագլուխ պատերազմ չէր սկսի, ինչքան էլ հայտարարեր այդ մասին, փաստ է, քանի որ տնտեսական լուրջ խնդիրներ ունեցող Ադրբեջանին այդ պատերազմը բոլորովին ձեռնտու չէր։ Այն ձեռնտու էր տնտեսապես և քաղաքականապես հզոր երկրին։ Եթե հետևենք «Միջուկային զենքի չտարածման խնդիրների մասին» համաժողովում ընթացող գործընթացներին, ապա կարելի է ենթադրել, թե ում է ձեռնտու եղել հրադադարի խախտումը։ Ո՛չ, խոսքը, իհարկե, Թուրքիայի մասին չէ, բայց գործընթացն առանց շան գլխի չէր իրականանա։
Համաժողովում ԱՄՆ-ի նախագահ Բարաք Օբաման բավականին կոշտ դիտարկումներ արեց Թուրքիայի հասցեին, սակայն, միևնույն ժամանակ շատ սրտաբաց ընդունեց Ադրբեջանին։ Սա, ըստ էության, կարելի է թաքնված մեսիջ համարել ԼՂՀ շփման գոտում պատերազմական գործողությունների վերսկսման համար։ Պատահական չէ, որ այդ գործողությունները սկսվեցին նիստի հաջորդ օրը։ Նման քաղաքականությունը բնորոշ է Միացյալ Նահանգներին։ Չի բացառվում, որ այս մեսիջի մասին նախապես պայմանավորվածություն լիներ կողմերի միջև։
Ժասմեն ՎԻԼՅԱՆ
Կարդացեք նաև
Հոդվածն ամբողջությամբ կարող եք կարդալ «Իրատես» թերթի այսօրվա համարում
