Երեկ ուշ երեկոյան հայտնի դարձավ, որ միայն երեկվա ընթացքում հայկական զինուժին հաջողվել է ոչնչացնել 11 հատ տանկ, 1 հրանոթային մարտական միավոր եւ 4 անօդաչու թռչող սարք, որից երեքը եղել են հարվածային, իսկ մեկը հետախուզական եւ երկու ավտոտեխնիկա։
Նշենք, որ Ադրբեջանի ռազմական օդուժն ունի 25 հատ հարվածային անօդաչու թռչող սարքեր, որից 5-ն արդեն ոչնչացվել է։
Այսինքն՝ եթե Ադրբեջանն այս տեմպերով շարունակի գրոհել, ապա որոշ ժամանակ անց նրա զինտեխնիկայից բան չի մնա, այսինքն՝ կկրկնվի 90-ական թվականների ղարաբաղյան պատերազմի սցենարը, երբ սկզբում ադրբեջանական կողմը առավելություն ուներ, քանի որ նրանց զինված ուժերի տրամադրության տակ էին անցել Ադրբեջանի տարածքում գտնվող Խորհրդային Միության սպառազինությունը։ Սակայն որոշ ժամանակ անց այդ սպառազինությունը կա՛մ ոչնչացվել էր, կա՛մ էլ անցել էր հայկական զինուժի ձեռքը։ Արդյունքում Ադրբեջանը ստիպված էր զինադադար խնդրել։
Այս անգամ էլ նույնն է տեղի ունենալու։ Միակ հարցն այն է, թե այս անգամ ադրբեջանական կողմը քանի օր դիմանալուց հետո կսկսի զինադադար խնդրել։ Ի վերջո, այս անգամ Արցախը եւ Հայաստանը պատերազմին պատրաստ են։
Կարդացեք նաև
Վահագն ՀՈՎԱԿԻՄՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
