ԱԺ պատգամավոր Նիկոլ Փաշինյանը ապրիլի 3-ին մի խումբ գործընկերների հետ մեկնել էր Ղարաբաղ։ Երեկ ուշ երեկոյան նա վերադարձել է Երեւան։
– Ըստ ձեզ, ինչի՞ կարող է վերածվել այս իրավիճակը եւ որքա՞ն կտեւի։
– Այն, ինչի կարող էր վերածվել, կարծում եմ՝ արդեն վերածվել է, այսինքն վերածվել է պատերազմի։ Մենք սա պետք է հստակ արձանագրենք. ԼՂՀ-ն գտնվում է լիարժեք պատերազմի մեջ։ Իսկ թե ինչքան կտեւի, արդեն ասացի, եթե մենք այս պահի իրավիճակի արձանագրումով հասնենք զինադադարի՝ այդ զինադադարը կարող է տեւել շատ կարճ, որովհետեւ մի քանի դիրքի գրավումը մեկ շաբաթ վայելելով, Ալիեւը կարող է նոր բնագծեր նվաճելու ցանկություն ցուցաբերել։
Նույնիսկ մեծ թվով ադրբեջանցի զինվորների զոհվելը չի կանգնեցնի պատերազմը, որովհետեւ մի քանի դիրքերի գրավումը Ալիեւը ներկայացնում է որպես մեծագույն հաղթանակ, իսկ մեծագույն հաղթանակը ձեռք է բերվում ոչ փոքր թվով զոհերի գնով։
Կարդացեք նաև
Զինադադարը կարող է տեւական լինել միայն այն դեպքում, երբ այս փուլում Ադրբեջանը շոշափելի եւ էական տարածքային կորուստներ կրի։ Իմ կարծիքով, այս պատերազմը կտեւի այնքան ժամանակ, քանի դեռ ԼՂՀ-ն Ադրբեջանից եւս մեկ կամ երկու շրջան չի գրավել։ Կամ առնվազն պետք է ադրբեջանական քաղաք ընկնի, որպեսզի սա դադարի։ Որովհետեւ եթե քաղաք չի ընկել, ուրեմն Ալիեւը այնքան է շարունակելու, մինչեւ հայկական քաղաք ընկնի։ Սրանից հետո էլ, ըստ ամենայնի, ավելի կոգեւորվի։ Որեւէ այլ բան, որ այս իրավիճակում պետք է կանգնեցնի Ալիեւին, անկեղծ ասած, չեմ տեսնում։
Էլի եմ ասում, այլ խնդիր է, թե սա որքանով է իրականանալի քաղաքական, ռազմական, աշխարհաքաղաքական առումով։ Դա արդեն այլ ֆորմատի քննարկման հարց է:
Աննա ՀԱԿՈԲՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
