ԲՀԿ կուսակցության նախագահ եւ ԵԽԽՎ հայաստանյան պատվիրակության անդամ Նաիրա Զոհրաբյանն անդրադառնալով Եվրոպայի խորհրդի խորհրդարանական վեհաժողովի (ԵԽԽՎ) նախագահ Պեդրո Ագրամունտի այսօրվա կոչին՝ այն է «ի կատարումն ՄԱԿ-ի Անվտանգության խորհրդի բանաձեւերի, հայկական զորքերը հեռացնել Ադրբեջանի օկուպացված տարածքներից»՝ ասաց. «Ստեղծված իրավիճակի համար իր հայտարարություններով, իր գործողություններով պատասխանատվություն է կրում նաեւ Պեդրո Ագրամունտը: Եթե հիմա Պեդրո Ագրամունտի անունը հանեք եւ վերեւում գրեք՝ Ալիեւի հայտարարություն, կարծում եմ` բովանդակությունը կլինի նույնը, որեւէ բան չի փոխվի, որովհետեւ Պեդրո Ագրամունտը, կրկնում եմ, Ալիեւի մամուլի խոսնակն է Եվրոպայի խորհրդի խորհրդարանական վեհաժողովում, այլ ոչ թե ԵԽԽՎ նախագահ»:
Ըստ նրա՝ Պեդրո Ագրամունտի իրական տեղը Միլի Մեջլիսում է կամ Ալիեւի աշխատակազմում՝ որպես նրա մամուլի խոսնակ:
«Կարծում եմ՝ մենք ԵԽԽՎ պատգամավորներովս, պետք է ամեն ինչ անենք Պեդրո Ագրամունտին իր իրական տեղը՝ այն է Ալիեւի աշխատակազմ վերադարձնելու համար»:
Կարդացեք նաև
Անուշ ՄԱԹԵՎՈՍՅԱՆ
Իր ադրբեջանամետ կեցվածքով հայտնի ԵԽԽՎ նախագահն այսպես, թերեւս, փորձում է թուլացնել լարվածությունը հայկական պատվիրակության հետ հարաբերություններում:
Հիշեցնենք, որ իսպանացի Պեդրո Ագրամունտը եղել է ԵԽԽՎ մոնիթորինգային հանձնաժողովի՝ Ադրբեջանի գծով համազեկուցող, Ադրբեջանում քաղաքական բանտարկյալների հարցերով ԵԽԽՎ զեկուցող:
ԵԽԽՎ նախագահի պաշտոնում ընտրվելուց հետո առաջին այցերից մեկը կատարել է դեպի Ադրբեջան՝ ընդգծելով, որ Ադրբեջանը հատուկ կարևորություն ունի իր համար։
Լինելով Իսպանական Վալեսնիա քաղաքի ( PP ) Ժողովրդական կուսակցություն ղեկավարներից մեկը նա նրանցից մեկն է որը կապ ուներ ( PP ) գլխավոր ֆինանսիստի հետ միլիոների անհետացան գործում:Ադրբեջաական սեվ ոսկուց օգտվելը, չի խանգառի իր միլիոնները մի քիչ էլ ավելանալու:Մարդկանց վիրավորելու մեծ փորձ ունի բայց միաժամանակ ներեղություն խնդրելու մեքենա է: