Զինվորական հոսպիտալի մոտ են այն զինվորների ծնողները, որոնց որդիները վիրավորվել են ղարաբաղա-ադրբեջանական սահմանին թշնամու սանձազերծած պատերազմական գործողությունների ժամանակ:
Մարտակերտում ծառայող զինվորներից մեկը տեղափոխվել է Երեւան, նրան երեկ վիրահատել են: Հայրենիքի պաշտպանի ծնողներին նույնպես չէին թողնում հոսպիտալ մտնել: Հրաման է: Կարգն է այդպես: Բայց զինվորի մայրը խնդրեց. «Տղայիս վիճակը ծանր է: Ես նրան Օրհնված Խաչ եմ բերել: Խնդրում եմ՝ թույլ տվեք Խաչը փոխանցել նրան»:
Հոսպիտալի մուտքը հսկող զինվորականները նրան խնդրեցին սպասել ու ըստ ամենայնի ներսից բացառության կարգով թույլտվություն ստանալով՝ տիկնոջը հրավիրեցին ներս: Ասացին. «Մայրիկ, խնդրում ենք՝ միայն մեկ րոպեով: Խաչը կհանձնես ու արագ դուրս կգաս»:
Աշոտ ՀԱԿՈԲՅԱՆ
Կարդացեք նաև
