Թուրքիայի նախագահ Ռեջեփ Թայիփ Էրդողանը շփման գծում ստեղծված իրավիճակի համար ԵԱՀԿ Մինսկի խմբին է մեղադրում: Նա ասել է, որ եթե Մինսկի խումբը ԼՂ պայքարի հարցում արդարացի, վճռական գործեր եւ արդյունավետ քայլեր ձեռնարկեր, այս օրին չէին հասնի:
Այս առնչությամբ Aravot.am-ի հետ զրույցում ՀՀԿ փոխնախագահ Արմեն Աշոտյանն ասաց. «Էրդողանը վտանգավոր քաղաքական գործիչ է, բայց քաղաքական տեսակետից իր հայտարարությունները վաղուց լուրջ չեն ընդունվում անգամ Թուրքիայում:
Մեր ակնկալիքները Մինսկի խմբից պետք է հակառակը լինեն: Մենք պետք է ավելի հետեւողական լինենք, որ համանախագահ երկրները լրջագույնս քննարկեն Ադրբեջանի այս ահաբեկչական կեցվածքը եւ ագրեսիվ պահվածքը, որը վտանգում է տարածաշրջանային լարվածությունը ոչ միայն ԼՂՀ հակամարտության գոտում, այլ նաեւ ողջ Հարավային կովկասում:
Այս տեսակետից մեր ակնկալիքները Մինսկի խմբից տարանջատված գնահատականների մեջ կլինի: Մենք պետք է տրամադրենք համանախագահ երկրներին բոլոր այն փաստերը, որոնք վկայում են ադրբեջանական ագրեսիայի նոր փուլի մասին»:
Կարդացեք նաև
Հռիփսիմե ՋԵԲԵՋՅԱՆ
