Ըստ քաղաքագետ Տիգրան Աբրահամյանի, միջազգային կառույցների հայտարարությունների ամենաառանցքային «ուղերձն» այն է, որ ԼՂ հիմնախնդրի կարգավորման հարցում ռազմական լուծում չկա:
Պատասխանելով Aravot.am-ի հարցին, թե միջազգային արձագանքն ի՞նչ ազդեցություն կարող է ունենալ, քաղաքագետ Աբրահամյանն ասաց. «Միջազգային հանրության արձագանքից նվազագույնը կարելի է արձանագրել, թե առկա է կոնսենսուս այն հարցում, որ ԼՂ հիմնախնդրի կարգավորման հարցում ռազմական լուծում չկա: Համենայնդեպս դա հնչող հայտարարությունների ամենաառանցքային «մեսիջն» է:
Թե այս հայտարարությունները ինչ ազդեցություն կունենան իրադարձությունների ընթացքի վրա ցույց կտա ժամանակը, սակայն իր քայլերով Ադրբեջանը փաստացի միջազգային մեկուսացման մեջ է հայտնվել: Հասկանալի պատճառներով՝ միայն Թուրքիան է իր աջակցությունը հայտնել Ադրբեջանի, ինչը եւ կանխատեսելի էր: Կարծում եմ՝ Ադրբեջանն այս իրավիճակից դուրս գալուն ուղղված ելքեր է փնտրում, ինչը բավականին բարդ է»:
Լուսինե ԲՈՒԴԱՂՅԱՆ
Կարդացեք նաև
