Դավիթ Բաբայանի խոսքերով՝ այն հանգամանքը, որ ադրբեջանական կողմն առաջինն է սկսել մարտական գործողությունները ապացուցելը հեշտ է.
«Ադրբեջանական կողմը փորձել է մի շարք հատվածներում ճեղքել Արցախի Հանրապետության պաշտպանության բանակի դիրքերը, որոշ տեղեր հաջողվել է, բայց այնուհետեւ նրանք հետ են շպրտվել՝ տալով կորուստներ»,- ապրիլի 2-ին լրագրողների հետ զրույցում ասաց ԼՂՀ նախագահի մամուլի խոսնակ Դավիթ Բաբայանը:
Նրա խոսքերով, իրավիճակը լարված է, բայց վերահսկելի. «Ամեն ինչ արվում է, որ պաշտպանվի ե՛ւ մեր անկախությունը, ե՛ւ անվտանգությունը նաեւ մեր պատիվն ու արժանապատվությունը»:
Այն հանգամանքը, որ ադրբեջանական կողմն առաջինն է սկսել մարտական գործողությունները ապացուցելը,ըստ նրա՝ հեշտ է. «Իհարկե՛, ապացույցներ ներկայացնելու ենք, բայց սպասելու ենք համապատասխան արձագանքի: Դժբախտաբար, արձագանքը պետք է լինի ոչ թե մեղմ, այլ բավականին կոշտ, որովհետեւ երբ ադրբեջանական կողմը խոցել է Արցախի պաշտպանական բանակի ուղղաթիռը, որը որեւէ վտանգ չէր ներկայացնում եւ չէր պատրաստվում մտնել մարտի մեջ, ինչպես արել են այդ երկու խփված ադրբեջանական ուղղաթիռները: Ապացույցները կան, բայց մենք տեսնում ենք, որ Ադրբեջանը որեւէ պատասխանատվություն չի կրել: Այնուամենայնիվ, հուսով ենք, որ այս անգամ իրավիճակը պետք է լինի մի քիչ ուրիշ»:
Կարդացեք նաև
Ամի ՉԻՉԱԿՅԱՆ
