«Կարծում եմ՝ նման աննախադեպ գործողությունները գալիս են նաեւ Ադրբեջանի անճարությունից»,- լրագրողների հետ զրույցում ասաց ԼՂՀ նախագահի մամուլի խոսնակ Դավիթ Բաբայանը:
Նա նշեց, որ Ադրբեջանի իշխանությունն ինքը դարձրել է պետությունը ահաբեկչական, ֆաշիստական. «Նրանք քարոզում են հայատյացություն, նրանք քարոզում են նացիզմ: Այն, ինչ տեղի էր ունենում Գերմանիայում 30-ական թվականներին, Իտալիայում, Ճապոնիայում, իսկ նման պետությունները լինում են հիվանդ պետություններ: Նման պետությունները, երբ քարոզում են նման ատելություն, բնական է՝ ե՛ւ նորմաներից, ե՛ւ իրականությունից հեռանում են: Իշխող կլանը բավականին բարդ վիճակում է հայտնվել, որովհետեւ այս վերջին տնտեսական ճգնաժամը, նավթի գների անկումը մեծ հարված է հասցրել Ադրբեջանի տնտեսությանը: Իհարկե՛, այս ամենը վտանգ է ներկայացնում նաեւ իշխող կլանի դիրքերը, հետեւաբար՝ պետք է ինչ-որ ձեւով բնակչության ուշադրությունը շեղել ներքին խնդիրներից եւ փորձել նորից շահարկել արտաքին թշնամու կերպարը»:
Նա հավելեց, որ Ադրբեջանը տեսնում է, որ Ղարաբաղի խնդրով, նա չի կարող հաջողություն ունենալ, Ղարաբաղը երբեք չի կարող լինել իր տիրապետության տակ: Դավիթ Բաբայանը առանձնացրեց նաեւ Թուրքիայի բացասական ազդեցությունը, որը, հատկապես երևաց Իլհամ Ալիեւի՝ Թուրքիա այցելության ընթացքում. «Գրկախառն պահվածքը, հակահայկական, հակամարդկային հայտարարությունները ցույց են տվել, որ այս երկու պետությունը՝ նամանավանդ, հաշվի առնելով Թուրքիայի ակտիվ դերակատարությունը ահաբեկիչներին սատարելու գործում լուրջ հիմքեր են տալիս, որ չակերտավոր մեծ եղբայրը հորդորել է կամ ինչ-որ ձեւերով երեւի փորձել է փոքր եղբորը ագրեսիվ դարձնել՝ նրան համոզելով, որպեսզի նա որեւէ բացասական երեւույթից չվախենա կամ չմտահոգվի: Հետեւաբար՝ ունենք այն, ինչ ունենք»:
Ամի ՉԻՉԱԿՅԱՆ
Կարդացեք նաև
