Ստեփանակերտի «Արեւիկ» մանկական բուժմիավորում ապրիլի 2-ին տեղափոխվել է 11 եւ 12 տարեկան երկու երեխա: Այս մասին լրագրողներին հայտնեց բուժմիավորման գործադիր տնօրեն Մեսրոպ Մարգարյանը:
Նա նշեց, որ երեխաներից մեկը հիվանդանոց է տեղափոխվել բազմաբեկորային վնասվածքով, անմիջապես վիրահատել են. «Իրավիճակը կայուն է, տեղափոխվել է վերակենդանացման բաժանմունք, վիճակը կայուն ծանր է, կյանքին սպառնացող ոչինչ չկա»:
Մյուս երեխան եւս գտնվում է վերակենդանացման բաժանմունքում. «Երեխայի մոտ կա փափուկ հյուսվածքների վնասվածք, կատարվել է առաջնային վերքի վիրաբուժական մշակում համապատասխան հակաշոկային թերապիա: Երկրորդ երեխան եւս արյան փոխներարկում է ստացել»:
Մեսրոպ Մարգարյանի խոսքերով՝ ստացված վնասվածքները հետեւանքներ չեն թողնելու. «Բուժումն ամբողջությամբ ստանալուց հետո առողջանալու են, գնան տուն»:
Ամի ՉԻՉԱԿՅԱՆ
Կարդացեք նաև
