«Սա ահաբեկչություն է եւ Ղարաբաղի ժողովրդի, եւ բանակցային գործընթացի, եւ Մինսկի խմբի յուրաքանչյուր երկրի՝ Ռուսաստանի, Ֆրանսիայի, ԱՄՆ-ի նկատմամբ»,- Aravot.am-ի հետ զրույցում ասաց ՀՀ ԱԺ փոխխոսնակ Էդուարդ Շարմազանովն` անդրադառնալով ղարաբաղա-ադրբեջանական սահմանի երկայնքով ողջ գիշեր եւ այժմ շարունակվող լարված իրավիճակին:
Հիշեցնենք, հակառակորդը ողջ գիշեր սահմանի երկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվում ոչ միայն հայկական զինուժի պաշտպանական դիրքերը, այլև խաղաղ բնակավայրերը :
«Ալիևի նման լկտի պահվածքը արդյունք է նաև միջազգային հանրության երբեմն, մերթընդմերթ հնչող անհասցե գնահատականներին»,-շարունակեց Էդուարդ Շարմազանովը` հավելելով, որ Մինսկի խումբը չի կարող այս ամենին չարձագանքել:
Նելլի ԳՐԻԳՈՐՅԱՆ
Կարդացեք նաև
