Ամերիկյան ճանաչված The Amazing race հեռուստաշոուն նկարահանումներ է իրականացրել Երևանում։ Այս մասին տեղեկացնում է ամերիկյան CBS հեռուստաընկերության պաշտոնական կայքը, որը նաև ներկայացրել է մի շարք լուսանկարներ Երևանում կատարված հաղորդման նկարահանումներից։
CBS հեռուստաալիքով հեռարձակվող հեռուստաշոուն մեծ ճանաչում ունի ԱՄՆ-ում։ Շոուին մասնակցող մասնակիցները տարբեր առաջադրանքներ են կատարում։ Դրա համար մասնակիցները բաժանվում են 12 թիմի, որոնցից յուրաքանչյուրում ընդգրկվում է 2 հոգի։ Ահա այսպիսի հեռուստաշոուի 28-րդ եթերաշրջանի 6-րդ հատվածի նկարահանումները առաջին անգամ տեղի են ունեցել Երևանում։
Կարդացեք նաև
Տեղեկացնենք, որ ավելի վաղ հեռուստաընկերության կայքը հայտնել էր, որ 28-րդ եթերաշրջանի նկարահանումները կատարվելու են Կոլումբիայում, Վրաստանում և Հայաստանում։
