Մարտի 25-ին, ժամը 21.30-ին, ոստիկանության Երևան քաղաքի վարչության օպերատիվ կառավարման կենտրոնից Վաղարշապատի բաժնում հաղորդում էր ստացվել, որ իրենց է զանգահարել Սյուզաննա Ս.-ն և հայտնել, որ ոմն Հայկ ծեծել է իրեն, վերցրել հեռախոսը, որպեսզի ոստիկանություն չզանգի:
Մեկնած օպերատիվ խումբը պարզել է, որ ժամը 20.30-ի սահմաններում, Փարաքար գյուղում գտնվող տանը, վիճաբանության ժամանակ, 1983 թ. ծնված Հայկ Հ.-ն ծեծի է ենթարկել ընկերուհուն` Սյուզաննա Ս.-ին` դեմքի մասում պատճառելով վնասվածք, այնուհետև վերցնելով նրա հեռախոսը, որպեսզի ոստիկանություն չզանգահարի՝ հեռացել է:
Ոստիկանության ծառայողների ձեռնարկած միջոցառումների և բացատրական աշխատանքների շնորհիվ՝ Հայկ Հ.-ն ներկայացել է բաժին, տվել խոստովանական բացատրություն և ներկայացրել բջջային հեռախոսը:
Հետաքննությունը շարունակվում է:
Կարդացեք նաև
ՀՀ ոստիկանություն
