«Ահաբեկչությունը չունի սահմաններ այս բառի բոլոր իմաստներով, այդ պատճառով Եվրոպացի առաջնորդների կարեւորագույն խնդիրն է հասկանալ, որ հնարավոր չէ դիմագրավել այդ հրեշավոր չարիքին միայնակ»,- ասում «Արդար Ռուսաստան» կուսակցության անդամ, ՌԴ պետդումայի պատգամավոր Ալեքսանդր Ագեեւը եւ ավելացնում, որ մյուս կողմից էլ՝ Եվրոպայում տեղի ունեցող ահաբեկչությունները նաեւ արդյունքն են Մերձավոր Արեւելքում տարվող քայքայիչ քաղաքականությանը:
«Ես կարծում եմ, որ բոլորին հասկանալի է, թե որ պետությանը եւ ինչի համար է շահավետ կերակրել եւ ակտիվացնել ահաբեկիչների մեղվի բույնը: Հաղթահարելի մարտահրավերներ կլինեն միայն այն ժամանակ, երբ Եվրոպացի առաջնորդները վերջապես կհասկանան իրական արժեքները եւ դրանց կարեւոր սեղմագրերը, այդ թվում նաեւ՝ իրենց սեփական քաղաքականության համար, եւ կդառնան ինքնուրույն կարեւոր որոշումներ կայացնելիս: Ահաբեկչության դեմ պայքարի իմիտացիան եւ երեսպաշտությունը այս հարցում շատ վատ գործընկերներ են: Ահաբեկչությունը չարիք է, վտանգավոր բոլորի համար»,- «Առավոտի» հետ զրույցում ասաց Ալեքսանդր Ագեեւը:
Հրապարակումն ամբողջությամբ՝ կարող եք կարդալ տպագիր «Առավոտի» վաղվա համարում:
Հռիփսիմե ՀՈՎՀԱՆՆԻՍՅԱՆ
Կարդացեք նաև
