Դեռ ուժի մե՞ջ է ԵԱՀԿ-ԺՄԻԳ-ի եւ Վենետիկի հանձնաժողովի համատեղ եզրակացությունը` Ընտրական օրենսգրքի նախագծի վերաբերյալ: Այս հարցն այսօր ԵԱՀԿ երեւանյան գրասենյակի ներկայացուցչին ուղղեց Հայ ազգային կոնգրես կուսակցության արտաքին հարաբերությունների հանձնաժողովի նախագահ Վլադիմիր Կարապետյանը` «Գլոբալիզացիայի եւ տարածաշրջանային համագործակցության վերլուծական կենտրոնի» եւ Ֆրիդրիխ Նաումանի անվան հիմնադրամի կազմակերպած քննարկման ժամանակ:
«Այո, համաձայն երեկվա իմ լսածի, ապրիլի վերջերին պետք է հրապարակվի: Կոնկրետ օրը չեմ կարող ասել»,- պատասխանեց ԵԱՀԿ երեւանյան գրասենյակի ժողովրդավարացման ծրագրի ղեկավար Դեյվիդ Գուլետեն:
Անդրադառնալով Հայաստանում ընտրական գործընթացներին ընդհանրապես, Վլադիմիր Կարապետյանը նկատեց, որ 2010 թվականից Հայաստանն արհամարհել է ԵԱՀԿ-ԺՄԻԳ-ի բոլոր հանձնարարականները եւ կոշտ դիտարկումները:
Նա կարծում է, որ նոր ԸՕ-ն ՀՀ իշխանությունների համար յուրահատուկ քննություն է, մանավանդ, որ միջազգային տարբեր կառույցների ղեկավարներ արդեն իսկ կարծիք են հայտնել, որ այն պետք է ընդունվի շահագրգիռ կողմերի մասնակցությամբ, համապարփակ քննարկումների արդյունքում:
Կարդացեք նաև
Նելլի ԳՐԻԳՈՐՅԱՆ
