Հանցավոր խմբի առանձին անդամներ փորձել են մահափորձի ծրագիր իրականացնել գործող նախագահ Սերժ Սարգսյանի դեմ, բայց Արթուր Վարդանյանի կողմից այդ ծրագրերը մերժվել են: Այսօր ԱԱԾ քննչական վարչության պետի առաջին տեղակալ, քրեական գործով քննչական խմբի ղեկավար Միքայել Համբարձումյանն «Արմենպրես» մամուլի սրահում հաստատեց մամուլում տեղ գտած հրապարակումներն այն մասին, որ ԱԱԾ-ի կողմից հայտնաբերված հանցավոր խումբը մտադիր է եղել պայթեցնել Սերժ Սարգսյանի ինքնաթիռը:
Միքայել Համբարձումյան
Նրա խոսքերով՝ «Նման միտք շրջանառվել է խմբի կազմում, բայց վերջնական ծրագիր, պայմանավորվածություն Արթուր Վարդանյանի կողմից չի եղել: Խոսքը գնում է դեկտեմբերի 1–ին Ադրբեջանի նախագահի հետ հանդիպման մեկնելու ժամանակ նման գործողություն կատարելու հավանականության մասին: Ընդ որում՝ քննարկվել է կոնկրետ տեղը, թե որտեղից է հնարավոր դա իրականացնել: Խոսքը «Զվարթնոց» օդանավակայանին հարող տարածքի մասին է: Մենք ուսումնասիրել ենք տարածքը, եւ դա ֆիզիկապես հնարավոր էր իրականացնել, քանի որ վայրէջք կատարելիս եւ թռչելիս ինքնաթիռը բավականին ցածր բարձրության վրա է գտնվում եւ հասանելի է: Բայց Արթուր Վարդանյանի հետ կապված այդ առումով որոշում կայացված չի եղել»:
Թե գումարները որտեղից են եկել ծրագրի իրականացման համար՝ Միքայել Համբարձումյանը պատասխանեց. «Պարզվել է, թե որտեղից են գումարները, ֆինանսավորողը մեզ հայտնի է, մեղադրվում է քրգործով, կալանավորված չէ: Գումարների ծագման աղբյուրը պարզ է, խումբը ֆինանսավորվել է մոտ 65 հազար ԱՄՆ դոլարով»:
Միքայել Համբարձումյանն ավելացրեց նաեւ, որ ֆինանսավորող մեղադրյալը բնակվում է ՀՀ-ում: Բայց նաեւ ասաց, որ դիտարկում են դրսից ուղղորդվելու տարբերակները:
Կարդացեք նաև
Հարցին՝ մամուլում շրջանառվում է, որ գործի հետ առնչվում են նաեւ Սերժ Սարգսյանի շրջապատից մարդիկ՝ Միքայել Համբարձումյանը պատասխանեց. «Դա մերկապարանոց, իրականությանը չհամապատասխանող տեղեկություն է: Գործում բացարձակ նման տեղեկություն չկա»:
Հռիփսիմե ՋԵԲԵՋՅԱՆ
Սա հայտնում են ժողովրդին, որ ինչ անենք, – հավատանք? Իսկ միթե դա որեւէ նշանակություն ունի?