«Երրորդմասցի Լյովիկի» սպանության գործով առաջին դատական նիստը հետաձգվեց (ֆոտոշարք)

Էրեբունի եւ Նուբարաշեն վարչական շրջանների ընդհանուր իրավասության դատարանում, դատավոր Արտուշ Գաբրիելյանի նախագահությամբ, այսօր տեղի ունեցավ Լեւոն Ղազարյանի (Երրորդմասցի Լյովիկ), Դրաստամատ Թադեւոսյանի եւ Մեսրոպ Նազարյանցի սպանության գործով առաջին դատական նիստը։

Հիշեցնենք, որ 2015 թվականի մարտի 4-ին Նուբարաշեն ՔԿՀ-ի մերձակայքում փոխհրաձգություն էր տեղի ունեցել։ Դիմակավորված 3 անձինք կրակել էին կալանավայրի մոտ գտնվող ավտոկայանատեղիում գտնվող անձի վրա ու փախուստի դիմել։ Փոխհրաձգության հետեւանքով մահացել էին Լեւոն Ղազարյանը, Դրաստամատ Թադեւոսյանը եւ Մեսրոպ Նազարյանցը։

Ամբաստանյալներ Վահան Հակոբյանին, Սարգիս Հախանումյանին եւՍարգիս Գրիգորյանին մեղադրանք է առաջադրվել այն բանի համար, որ նրանք մի խումբ անձանց կողմից նախնական համաձայնությամբ ապօրինի ձեռք են բերել և պահել մարտական ակոսափող հրազեն հանդիսացող` 1963թ. գործարանային արտադրության 7,62 մմ տրամաչափի «XB 7048» համարի «ԱԿՄՍ» տեսակի ինքնաձիգ, 1976թ. գործարանային արտադրության 7,62 մմ տրամաչափի «537301» համարի «ԱԿՄ» տեսակի ինքնաձիգ և 1960թ. գործարանային արտադրության 7,62 մմ տրամաչափի «ԱԿՄ» տեսակի «CM 1114» համարի ինքնաձիգ , որոնք ապահովված են եղել պահունակներով, ինչպես նաև ռազմամթերք հանդիսացող փամփուշտներով:

2015թ. մարտի 4-ին ժամը 13:50-ի սահմաններում Վահան Հակոբյանը, Սարգիս Հախանումյանը և Սարգիս Գրիգորյանը նախնական համաձայնությամբ, շատերի կյանքի համար վտանգավոր եղանակով, երկու և ավելի անձանց ապօրինաբար կյանքից զրկելու դիտավորությամբ, իրենց մոտ ապօրինի պահվող մարտական ակոսափող հրազեն հանդիսացող թվով 3 ինքնաձիգերից կրակահերթ են արձակել Լևոն Ղազարյանի, Դրաստամատ Թադևոսյանի և Մեսրոպ Նազարյանցի ուղղությամբ, որի հետևանքով ստացված հրազենային վնասվածքներից Մ.Նազարյանցը տեղում, իսկ Լ.Ղազարյանն ու Դ.Թադևոսյանը Էրեբունի բժշկական կենտրոն տեղափոխվելու ճանապարհին մահացել են:

Կարդացեք նաև

Սպանություն է տեղի ունեցել Շիրակի մարզում․ Մեղրաշեն գյուղի մի քանի բնակիչներ մեղադրում են ոստիկանության Արթիկի բաժնի ծառայողներին ու անձամբ բաժնի պետին․ Shamshyan.com

• 23:45 02.11.2024

Սպանություն Խաչփար գյուղում․ կինը խոստովանել է՝ ինքն է դանակով մի քանի հարված հասցրել ամուսնուն

• 11:50 25.10.2024

Ուղեվարձի շուրջ վիճաբանության ընթացքում վարորդը և ուղևորը դանակահարել էին միմյանց, վարորդը մահացել էր

• 15:55 15.10.2024

Դատական առաջին նիստին չէին ներկայացել տուժածների իրավահաջորդները։ Ամբաստանյալների փաստաբաններ Լուսինե Սահակյանը եւ Երվանդ Վարոսյանը միջնորդեցին դատական նիստը հետաձգել, քանի որ պետք է մասնակցեին այլ դատական նիստի։

Դատարանը բավարարեց փաստաբանների միջնորդությունը եւ հաջորդ դատական նիստը նշանակեց 2015 թվականի ապրիլի 14-ին, ժամը 12։00-ին։

Հավելենք, որ դատական գործի նյութերը բաղկացած էին 15 հատորից։

Աշոտ ԻՍՐԱԵԼՅԱՆ